BOBILNA KENABE

 BOBILNA KENABE

 ISOLCHIKO NIATBO

 BOBILKO DAKGRIKBO

NEHEMIA 4: 1-17

1. BOBILNA KENABE

• Be’grugimin Jerusalemni guareko rikmiting somoio Jihudingrangni bobilrangara namen bang’achim aro uamangara namen bilakgiparang ong’achim. Bobilrang uamangna ka’dingsteka, chonnika, aro uamangko so’otna, nisina am’engachim. Unon Jihudirang namen kenaha, jajrengaha aro Jerusalemni guareko rikaniko dontongna chanchitokaha, uamang namen neng’tokaha aro janggitangtangna jajrengaha.

• An’chingni janggi tanganioba bobilrang namen bang’a, Ua bobilrang sakoba jajrengata, sakoba kratchaata, sakoba kenjagokata aro sakoba so’otna ame dongenga.

• Mandeni ka’tongo kena napon mandeko namen bilgriata, indiba aganani donga; “FEAR IS A CHOICE”. Kenaniara nang’ni angni baseanisa ong’a aro Sastrooba agana; “KENABE”. Indide ka’sarang an’ching maina kengen ? Isolan kenabe ine aganenga.

2. ISOLCHIKO NIATBO

• Jensalo bilakgipa bobilrang uamangko nisina am’engachim, Jihudirang an’tangtangna namen mikrakaha aro saksa sakgipinko didiaha, ku’mongaha, gisiksan ong’aha. Aro pilakna bateba uamang dal’gipa aro kengnigipa Jihovako gisik ra’aha aro Jihovao dakchakaniko am’aha.

• Pi’okgiminrang ong’e an’ching jajjrengani somoirang sokbaon skanggipa Isolchiko niatna aro Isolona sepangbate janggi tanggiparang ong’na aro an’chingni gisepo an’chingni bobilrangko warachakna didigrike, ku’monggrike, gisiksan ong’e donggiparang ong’na nangchongmota.

• Maina Isolo aro mondolio ku’monggrikani aro gisiksan ong’aniara an’chingko bilakgipa ong’ata.

3. BOBILRANGKO DAKGRIKBO

• Jensalo Jihudirang Isolko am’aha, Isolo bi’aha, Isol bobilrangni plan-rangko bon’chipataha. Bilakbegipa bobilrang Isolni manderangko nisina man’jaha. Aro Jihudirang Jerusalem guareko rikmiting somoio bobilrangko warachakna gita jaksamsachi kam ka’a aro jaksamsachi silchidareko ra’bite guareko rikaha.

• Ka’sarang, ia a’gilsako janggi tangengon an’ching “KALCHAKRAMO” ong’ja, indiba “DAKGRIKCHAKRAM” biaposa ine uibo. An’chingnade bang’a neng’nikanirang donga, sanaba saani, sanaba okriani, sanaba dukni, sanabade sianiba ong’naba donga. Indiba an’chingko cheatgipade Isolsa.

• “CIRCUMSTANCES IS REAL” indiba iako uiskabo “JESUS IS ALSO REAL”

John Ferdinent K. Sangma

Redemption Ministry

Burny Hill Baptist Church